Dalvík, sýndarvélin!

Þetta eru frekar skrítin en skemmtileg frétt.  Þar sem að ég fæddist og ólst upp á Dalvík stendur þetta mál mér nokkuð nærri og ennþá nærri þar sem að ég er tölvunarfræðingur.  Ætli Fiskidagurinn fyllist ekki brátt af tölvunörðum sem að halda að þeir séu staddir í sýndarvélinni Dalvik en ekki í sjávarþorpinu Dalvík.  

En það verður gaman að fylgjast með þróun þessarar sýndarvélar í framtíðinni, spurning hvort að Java sýndarvélin verði ekki lengur fyrsti kostur hjá forriturum sem vilja þróa hugbúnað sem að þarf að keyra á mörgum ólíkum tækjum.  Google heldur áfram að ráðast inn á markaði sem að hafa verið nánast ósnertanlegir í langan tíma, spurning hvað þeir taka sér fyrir hendur næst.

Dan hjá Google elskar Dalvík

24 timer -> 24 stundir!

Varð bara að benda á að eitt af "götublöðunum" hérna í Danmörku heitir einmitt því skemmtilega nafni "24 timer".  Mér finnst ákaflega ólíklegt að stjórnendur gamla "Blaðsins" hafi ekki vitað af þessu blaði hérna í Danmörku þannig að allt blaður um skapa blaðinu sérstöðu finnst mér undarlegt.  Hér er bara verið að apa eftir því sem að Daninn gerir og það er aldrei gott.

Nafni Blaðsins breytt í 24 stundir

"Gamaldags" og "nútíma" lögregluvinna

Ég var að sjá umfjöllun um þetta mál í fréttunum í hádeginu hérna í Danmörku.  Þar töluðu menn um að "gamaldags" rannsóknarvinna hafi verið notuð, þ.e.a.s. lögreglan skoðaði skófar á staðnum þar sem að konan var myrt.  Svo var þetta skófar skoðað nánar og lögreglan komst að því að þetta var einhver ákveðin tegund af Adidas skóm.  En svo hætti rannsóknarvinnan að vera "gamaldags".  Lögreglan komst svo yfir upplýsingar um hvar þessir skór voru seldir og komst að því að það voru seld 57 pör af þeim einmitt í Álaborg.  Dansk Supermarket gaf lögreglunni þessar upplýsingar og svo allt í einu er búið að leysa málið, 15 ára drengur frá Grænlandi keypti svona skó í Álaborg og fingraför eftir hann fundust á staðnum.
Mér finnst svolítið dularfullt hvernig lögreglunni tókst að ná í drenginn bara með því að biðja DS um upplýsingar um skósölu.  Þetta hlýtur að þýða að DS á ansi góða skrá yfir það hverjir kaupa hvað í verslunum þeirra og það veldur mér áhyggjum.  DS er nefnilega ansi stór hérna í Danmörku en ég held að þeir eigi Bilka, Fotex og Netto.
Vonandi misskiljið þið ekki það sem ég er að reyna að koma á framfæri hér.  Að sjálfsögðu er það mjög gott að þessi drengur fannst og auðvitað er gott að DS hjálpaði lögreglunni að ná honum, en spurningin hvernig DS geymir persónuupplýsingar.  Það gilda margar reglur um slíkt svo að enginn komist yfir þessar upplýsingar og geti misnotað þær, en ég veit ekki hvort að DS fylgi þessum reglum.

Blog

Ég reikna nú ekki með því að skrifa mikið inn á þetta blog, en nota það meira til að skrifa athugasemdir á blog annara.  Annars er hægt að skoða blogið mitt á www.olihelgi.com/blog.

Óli Helgi.